بھارتی ویزا کے حصول میں رکاوٹیں भारतीय वीज़ा प्राप्त करने में बाधाओं

بھارت نے پاکستانیوں کے لیے ویزا کا حصول مزید دشوار بنا دیا ہے پہلے سفارتخانہ پاسپورٹ پر پرانا ویزا دیکھ کر نیا ویزا جاری کر دیتا تھا، پھر یہ شرط عائد کی گئی کہ بھارت میںجن کے پاس جارہے ہو ان کا خط لاﺅ، ان کا حلف نامہ پیش کرو، اس کے بعد بلانے والے کار راشن کارڈ اور بجلی کے بل کی نقل بھی طلب کی جانے لگی، اب حالت یہ ہے کہ تمام دستاویزات مکمل ہونے اور پاسپورٹ پر کئی پرانے ویزے لگے ہونے کے باوجود کئی کئی ماہ کے انتظار کے بعد جب پاسپورٹ واپس ملتا ہے تو اس میں دو سطر کی سلپ لگی ہوئی ہوتی ہے کہ ویزا جاری نہیں ہو سکتا، کوئی وجہ نہیں بتائی جاتی، منسلک دستاویزات بھی رکھ لی جاتی ہیں، آخر ایسا کیوں کیا جارہا ہے؟ جو شخص بھارتی حکومت کی اجازت سے ویزا لے کر کئی بار جاکر واپس آچکا ہو اسے رد کےے جانے کا کیا جواز ہے؟ یہ سب کو معلوم ہے کہ بہت سی پاکستانیوں کے رشتہ دار بھارت میں ہیں اور وہ ایک دوسرے سے ملنا چاہتے ہیں، کیا اس کو امن کی آشا کہتے ہیں ایک اطلاع یہ ہے کہ اس سختی سے ایجنٹ فائدہ اٹھاتے ہیں۔
(مشتاق احمد صدیقی، کراچی)